يوميات مأذون شرعي
زوجته داخلت علينا في مكتب الماذون الشرعي ومع عروسته الثانية وهما بيتفقوا مع المأذون علي موعد كتب الكتاب
 |
| يوميات مأذون شرعي 01126360326 |
أهلاً يا عريس، اتفضل يا أستاذ محمود.. اتفضل يا عروسة
محمود (بثقة):
دي مي يا مولانا.. خطيبتي، وجايين نحجز مع حضرتك معاد كتب الكتاب الأسبوع الجاي إن شاء الله.
المأذون:
ربنا يتمم لكم على خير.. طيب نراجع الأوراق المطلوبة.
(يبدأ المأذون في مراجعة الأوراق المطلوبة في كتب الكتاب و عقد القران ..
فجأة تُفتح باب المكتب بعنف وتدخل "أمينة"، امرأة غاضبة)
أمينة (بصوت عالي):
إنت يا محمود! جاي تتجوز عليّا؟! ده أنت قليل الأصل!
(بسرعة تتوجه نحو مي وتلطُمها على وجهها)
مي (بصدمة وألم):
آآه! في إيه يا مدام؟ إنتي مين؟!
أمينة (وهي تضرب مي بقوة):
أنا مراته يا بنت التيت تيت ! مراته اللي ناوي يبيعها عشانك!
(تحاول مي الهرب لكن أمينة تمسك بها وتضربها بشراسة)
محمود (يحاول التدخل):
استهدي بالله يا أمينة! في إيه؟ اسمعيني!
أمينة (تلتفت إليه وتضربه بكف قوي):
اسكت يا خاين! أنا مش هسيبك تتجوز عليها وأنا عايشة!
(المأذون يحاول تهدئة الموقف، يمسك أمينة مع الحضور الموجودين ويفكون الاشتباك بصعوبة)
المأذون (بجدية وهو يلتقط أنفاسه):
استغفروا ربكم.. كده ماينفعش.. دي مش طريقة تحلوا بيها الموضوع.
أمينة (تبكي وتصرخ):
سبع سنين عايشة معاه وفي الآخر يبيعني كده؟!
محمود (بصوت خافت):
زهقت منك و من نكدك و مشاكلك معايا و لسانك الطويل
مي (وهي تبكي):
أنا مالي يا مولانا؟ أنا مليش ذنب!
المأذون (بهدوء):
يا محمود، بعد اللي حصل النهاردة.. لسه ناوي تكمل الجوازة؟
محمود (ينظر إلى مي ثم إلى أمينة ثم ينكس رأسه):
مش عارف.. يمكن الموضوع محتاج إعادة تفكير.
المأذون (بابتسامة ساخرة):
واضح إن كتب الكتاب اتأجل… مش أسبوع.. ده محتاج شهور تهدئة !
(يسود صمت مشحون بالمكان، والكل يخرج في هدوء، والمأذون يهز رأسه كأنه يقول: "اللي يعيش يشوف العجب…")
تحياتي مكتب الماذون الشرعي الرسمي
الشيخ محمد الفقي و الشيخ عمرو ابو العنين
www.elmathoo.com
www.facebook.com/elmathooon
واتساب 01002246222
ارسل سؤالك هنا ((اسأل المأذون الشرعي ))
لسرعة الرد اضغط وتساب
اسال المأذون